日記~1/3/2021 ~ 獄中信失踪 (Patreon)

1/3/2021 星期一 晴 （微涼）20°C 星期日過後，逢星期一都比較多垃圾，廁所也特別污糟，升咗職的我，只係掃下地，其他的交俾啲新來嘅人做，唔使然再洗廁所啦。我的結他最後都係冇攞到來！睇來要下星期先有，慘慘豬！啲餐循環不息，雖然三個月，但已經好難頂，啲嘢好難食，難食在無味

1/3/2021 星期一  晴 （微涼）20°C星期日過後，逢星期一都比較多垃圾，廁所也特別污糟，升咗職的我，只係掃下地，其他的交俾啲新來嘅人做，唔使然再洗廁所啦。我的結他最後都係冇攞到來！睇來要下星期先有，慘慘豬！啲餐循環不息，雖然三個月，但已經好難頂，啲嘢好難食，難食在無味之餘，食物又凍，飯又散又硬，好想食其他嘢！工作如常掃下地，之後就得閒，睇報紙，睇英文書，全日就是如此，今日星期一係免費寄信日，每位囚友都有一封免費信可以寄，無須貼上郵票，可以包括四限紙。3日前寄的信，今日又彈回頭，只好刪除敏感字眼令到睇唔到啦！其實肯彈信已經很好，有好多信件都會不翼而飛，無論牆內寄出去或牆外寄入來，只要佢地覺得有問題就會不翼而飛。今日保安找我，大家都好關心（或者八掛），我又冇寫咩，照直講，小事一件。囚友阿佳講得啱，如果佢地寫呢啲嘢出去係冇事（囚友賢仔都有寫），正因為我嘅顏色問題，所以比較緊張，我好明白這個道理！下午也要工作，一做完就沖涼，今日晚餐食早4:30，好眼訓，今晚一定好好訓！