日記~2/3/2021 ~ 47+案 (Patreon)

星期二 晴 今日是出糧日(有人要找數了，因為賭輸了)，今次係我買最多零食的一次，用了300蚊(我份糧都係得三佰幾一個月)，當然有部份是買郵票，因為只有拋緊(還押)時才能由家屬探訪時當物資傳入，而拍正(已經定罪) 就要由自己糧單上購買，價格都一樣2蚊一個。新丁今日要去荔枝角覆疹，

星期二  晴

今日是出糧日(有人要找數了，因為賭輸了)，今次係我買最多零食的一次，用了300蚊(我份糧都係得三佰幾一個月)，當然有部份是買郵票，因為只有拋緊(還押)時才能由家屬探訪時當物資傳入，而拍正(已經定罪) 就要由自己糧單上購買，價格都一樣2蚊一個。新丁今日要去荔枝角覆疹，因為出外要早上六點食早飯，由飯堂囚友送上個倉，七點前要出倉，所以經過時便知道他要外出。上午照常食早飯、出倉、工作，之後我一直留係二號活動室寫信睇報紙(要家人聯絡指定報紙供應商入數)，當然係訂在蘋果日報啦!

到了差不多食午餐時間(午餐係食半份面包及粥，花生、眉豆、腐竹、紅豆x 2、綠豆、黃豆粥，一星期循環一次，一日甜粥一日咸粥)，突然出糧的士多叫我的號碼，當然急急腳去士多出糧，領取自己辛苦了一個月的成果，士多會有透明大垃圾膠袋可以領取，不過賿袋是穿了幾個小孔，為了防止用膠袋自殺，透明是須要看清楚內裡有什麼。今次真係有三份二個膠袋滿，回到活動室囚友跟我開玩笑地說，今次有排食…(因為大部份囚友都係吸煙者，所以出糧都係買煙)。

另一為因友犯冰冰下午要出荔枝角(懲教就是這樣，亂七八糟，為什麼早上不一次過外出要分兩次?)，下午就由囚友德叔頂佢，原來升左之後，只要有人過界、外出，就要降返落去。下午唔知邊個係老細，我唔識! 當帶我們去沖涼時，見到嘉豪，可惜有職員在場無法講話，只好倚靠做運輸的囚友爵爺幫我打(傳遞)張紙仔比嘉豪，因為做運輸可以四圍去包括職員宿舍。

夏天好像到了，大家都開始唔去水房(沖涼房)而改去沖凍水，因為水房啲熱水好似劏雞咁熱，即使開凍水都無法調節，只有不停流十幾分鐘先可以沖涼。晚餐時見到華叔，問及知唔知有11位名人入來石𤩹還押? (因初選47+案) (原來上星期我們清潔的地方，連玻璃上的雀屎都要清理是為了他們入來還押)。報紙原來有報導，可能當時我未有報紙睇啦!

祝願大家平安。