日記~3/3/2021 ~ 監獄的消費 (Patreon)

星期三 晴 昨晚終於發現，原來有部份職員係夜更巡邏時候，會用電筒照入來，係因為保安理由，怕囚犯會用被焗死自己。早上有點清涼，下午十分炎熱，晚上又再清涼，這種天氣最易感冒。昨日剛回信給筆友Gloria ，今日又即刻收到她的信，連同妹妹、侄仔、好友健威… 共有六封信，用一個郵票，一

星期三  晴

昨晚終於發現，原來有部份職員係夜更巡邏時候，會用電筒照入來，係因為保安理由，怕囚犯會用被焗死自己。早上有點清涼，下午十分炎熱，晚上又再清涼，這種天氣最易感冒。昨日剛回信給筆友Gloria ，今日又即刻收到她的信，連同妹妹、侄仔、好友健威… 共有六封信，用一個郵票，一張紙有兩面的監房寄信技巧寄出(即三張紙，六封信，一個信封寄回家中，由家人代為轉寄)。

工作、食飯等一切如常，晚上返倉食夜藥時，手足鴻仔話我知，叫我小心石牆花啲信，有啲唔係手足的囚友，寫信去石牆花要求筆友。所有囚友的信都由保安打開睇完之後，再交由B仔派比我地，所以好可能B仔偷信，自己扮手足回信。我都要把這個情況寫信給筆友知，包括石牆花職員。

在囚中要學資源管理，監獄內煙就係錢，而坐監都有消費，想剪個頭髮都要兩非煙。(第一日入去石壁時，第一個正式會面就係新生組阿sir，當時佢教我，雖然係監獄內剪頭髮應該係免費，但如果你想囚友有心機幫你剪好啲，兩非煙當係TIPS 囉!) 這是懲教默許的。