日記~4/3/2021 ~ 事事要忍讓 (Patreon)

星期四 雨（微雨）早上已經陰天，一路落住毛毛雨，天氣涼了少許，一直掛心的47人初原來有劉偉聰大狀，當日幫我打官司就係劉大狀，他教識我打官司好多技巧，真係好掛心佢地嘅保釋！！仲有工會的吳敏儀！本人是某工業會幹事，工會加入了職工盟，所以在入獄前都同吳敏儀開過會，真係無諗到大家都被捕了。一切如常工作，直到食完午餐(粥包)之後，去到另一邊清潔完，準備走個陣，德叔入來又亂來咁洗地拖，唔知點樣撞爆水喉，自己就唔理，走咗去，佢好清楚個到有個水制，叫我報維修，整到我成身濕曬，最㷫係今日！！(德叔係的士司機，係去派貨(可卡因)被捕，簡單說犯毒。囚友都市計畫話佢自己食可樂食壞腦。) 無法啦! 在獄中事事要忍讓。沖完涼返回活動室，阿爵就俾咗嘉豪封信我，為表多謝爵爺，當然有所表示啦(兩非煙) ! (爵爺係我喺囚中最好的朋友，雖然我唔知有冇敵人，但也有一位不喜歡跟他交談的六叔，他之前被鎖，現在去了其他工作地方，不會期再見。