日記~18/3/2021 ~ 申請隱形眼鏡 (Patreon)

星期四 陰天（間中有陽光） 一早就喺荔枝角F3起身，做下拉筋，要食埋早飯才可以去新翼，唯有喺到寫埋封信。去到期數，即刻俾一個叫”子樂” 嘅囚友捉住叫我教佢寫義助律師服務的表格，香港真係好多冤案！自己也是其中一個。我自己係雷射筆入獄，無衝突無路障，只係做完街站多嘢，過馬路揸身份証

星期四  陰天（間中有陽光）

一早就喺荔枝角F3起身，做下拉筋，要食埋早飯才可以去新翼，唯有喺到寫埋封信。去到期數，即刻俾一個叫”子樂” 嘅囚友捉住叫我教佢寫義助律師服務的表格，香港真係好多冤案！自己也是其中一個。我自己係雷射筆入獄，無衝突無路障，只係做完街站多嘢，過馬路揸身份証發現”攻擊性武器”雷射筆。

我要出外睇醫生了，懲教已經出咗order紙，所以只能寫幫佢寫概要，之後要靠佢自己寫下去。又係食lunch時間捉人去指模房，好在食飽飽，要去明愛醫院有四個囚友包括係石壁一齊出來的囚友”冰冰”，睇醫生等左好耐，大約9個字，但攞藥就快線，唔洗十分鐘。終於同醫生講咗，寫咗醫生紙申請隱形眼鏡，希望可以批准啦！今次好快有車接我，不過返到指模房又見到囚友”阿肥”，又出來真係玩咁樣。又要等等等，係指模房等到都唔知幾點，又係新翼水房攞飯，去舊翼返倉食，尿都痾埋，因為凡外出過返到監房必須驗尿，因為怕你外出偷偷吸毒，明天過界都冇錯。(其實一直比職員𥄫到實，除非真係黑社會有門路，我地正常讀書人，邊有可能吸毒)