日記~19/3/2021 ~ 監獄也要做檢測 (Patreon)

星期五 晴（熱） 早上六點半未夠，就被人叫醒食飯，食完就要過界返石壁，又係指模房搞一大餐文件搜身。今次有兩個新囚友同車，返到石壁又搞一大`輪，就去醫院，一心諗住好快返期數，點知一直等，最後要瞓一晚醫院，好慘，又留咗枝筆喺指模房，悶死啦！雖然訓醫院係整淨好多，張床又有床褥，又有冷

星期五  晴（熱）

早上六點半未夠，就被人叫醒食飯，食完就要過界返石壁，又係指模房搞一大餐文件搜身。今次有兩個新囚友同車，返到石壁又搞一大`輪，就去醫院，一心諗住好快返期數，點知一直等，最後要瞓一晚醫院，好慘，又留咗枝筆喺指模房，悶死啦！雖然訓醫院係整淨好多，張床又有床褥，又有冷氣，不過什麼都沒有，冇得寫，冇書睇，冇電視……….

原來個瘋婦(林鄭)又搞將軍澳，大量人做檢測，所以我哋啲報告未返到囉，(因為而家一出一入都要用口水做檢測，報告陰性才可返回期數) 好無奈，又悶左一晚加一日，最監最可怕就係無嘢做！兩位新人係同案斬人，上訴，都有閒談幾句！

（塘福囚友告知的事，喺指模房見到杜啟華了！）