物資在獄中的重要性 (Patreon)

每日買小小物資，今日會分比張先生及霍先生，靠他們探訪時，把物資交到手足手上，一人一半啦！最近支援者越來越小，包括已經冇人比物資我，只靠Patreon 的你們所支援的每月資金去買，當然也有幕後功臣，把自己應得的小小資金捐獻出來買物資。我身為過來人，明白在囚中物資短缺的環境下，物資對他們的重要性。例如：洗手液在獄中可以換到十非煙，而洗手液每月只可入一支，但一支可以用兩三個月，但我當年叫家人每月都要入一支，俗稱打爆佢，即入得幾多嘢就盡入，因為物資可以在獄由換煙，而煙就係錢，有左錢生活才能好過一點。可以買到好的食物，可以交到朋友。有了煙，在黑社會眼中，你就係大戶，所以也會得到佢地的看護。因為有很多黑社會已經沒有家人探訪，所以沒有物資，但佢地又會有佢地黑社會方法去賺到煙，例如收倉煙、洗衫煙、㕑房出餸(好味道的特別煮）、剪頭髮煙、特別的士多等等，所有都懲教默許的，所以監獄係一個高消費地方。當年的我是家人劃非，即係家人入一千蚊去佢地指定戶口，而換取八包煙，加上自己唔食牛肉，所以又賣左自己的牛肉，牛扒及牛肉球都是兩非煙，所以我當年在赤柱可以食蛋撻飲奶茶.....物資唔單止可以自用，也可以換取煙仔，另生活在黑暗中得到優化！感謝各位能繼續堅持！！